Markmið áfangans er að þróa skilning á sviðslistum og hæfni til að vinna með og tengja inntak og útlit leikmyndar. Nemendur þjálfast í að gera líkön að verkum sínum og er áhersla lögð á hönnun og hagnýtar útfærslur á sviðsmyndum fyrir leikhús, kvikmyndir og sjónvarp. Leitast er við að byggja upp handhæga þekkingu og reynslu á faglegum vinnubrögðum sem og að þróa persónulega hæfileika og hugmyndaauðgi í hönnunarferlinu. Markmiðið er að nemendur geri sér grein fyrir að leikmyndahönnun er ekki bara sviðsetning tiltekins texta, tónlistar og lýsingar, heldur samspil hugmynda leikstjórans og allra sem koma að verkinu.
10 fein á 2. þrepi í listgreinum
Nemandi skal hafa öðlast þekkingu og skilning á:
sviðslistum
að leikmyndahönnun er ekki bara sviðsetning tiltekins texta, tónlistar og lýsingar, heldur samspil hugmynda leikstjórans og allra sem koma að verkinu
viðeigandi tækjum og efnum við gerð verka í tengslum við hugmyndalegt innihald
Nemandi skal hafa öðlast leikni í að:
nýta tjáningarmöguleika efna og forma með fjölbreyttum hætti
vinna í hóp að sameiginlegu markmiði
Nemandi skal geta hagnýtt þá almennu þekkingu og leikni sem hann hefur aflað sér til að:
skipuleggja verkferli við gerð leikmynda og líkana
sýna frumkvæði, sjálfstæði og skapandi nálgun
beita lausnamiðuðum aðferðum við verkefni sín
miðla þeim hugmyndalegu forsendum sem búa að baki verkum
tjá sig á skýran, ábyrgan og gagnrýninn hátt um ferli og listrænar niðurstöður
túlka hugmyndir og menningarlegt umhverfi með notkun forma og efna í mismunandi rými og umhverfi
Námsmat er útfært í kennsluáætlun í samræmi við skólanámskrá.