Kyn er grundvallarstærð í tilverunni og eitt af því sem skapar margbreytileika mannlegs samfélags rétt eins og þjóðerni, kynhneigð, aldur, stétt, fötlun og fleiri félagslegir áhrifaþættir og því varða jafnréttismál alla. Markmið áfangans er að nemendur þjálfist í að skoða heiminn með kynjagleraugum og nái tökum á helstu hugtökum kynjafræðinnar. Meðal efnisþátta er staða kynjanna á Íslandi og erlendis, saga jafnréttisbaráttunnar, klám og klámvæðing, kynbundið ofbeldi, völd og stjórnmál, staðalmyndir og birtingamynd kynjanna í afþreyingarefni og fjölmiðlum. Eitt af meginmarkmiðum áfangans er að vekja ungt fólk til meðvitundar um réttindi sín hvað varðar jafnréttismál.
FÉLV1ÞF05
Nemandi skal hafa öðlast þekkingu og skilning á:
að jafnréttismál varða allt samfélagið
helstu grundvallarhugtökum kynjafræðinnar og geti útskýrt þau
á sögu jafnréttisbaráttunnar og stöðu karla og kvenna í íslensku samfélagi, fyrr og nú
á birtingarmyndum kynjaskekkju í nærsamfélagi og frá alþjóðlegu sjónarhorni
helstu aðferðum og viðfangsefnum kynjafræðinnar
mismunandi mótun kynjanna út frá menningu, umhverfi og tíma
réttindum er varða jafnréttismál
staðalmyndum um kvenleika og karlmennsku
klámi og áhrifum þess á kynheilbrigði
kynbundnu ofbeldi og mörgum birtingarmyndum þess, svo sem mansali og kynferðislegu ofbeldi
Nemandi skal hafa öðlast leikni í að:
líta á samfélagið út frá sjónarhorni kyns og kynferðis með gagnrýnum augum
beita hugtökum kynjafræðinnar á ólíkar aðstæður
greina stöðu og staðalmyndir kynjanna í fjölmiðlaefni, námsefni og almennri umræðu
greina áhrif kynjakerfisins á fjölskylduna og heimilið, skólagöngu og vinnumarkaðinn
greina goðsagnir varðandi kynjamun og kynímyndir í samfélaginu
afla upplýsinga, greina þær og setja í fræðilegt samhengi
meta jafnrétti út frá menningarlegum gildum samfélagsins
rýna í menningu og átta sig á stöðu kynjanna eins og hún birtist þar
taka þátt í umræðum um tiltekin efni og koma skoðunum sínum og hugmyndum á framfæri
að hugsa með gagnrýnum hætti
Nemandi skal geta hagnýtt þá almennu þekkingu og leikni sem hann hefur aflað sér til að:
líta á veröldina út frá sjónarhorni kyns og kynferðis
setja sig í spor annarra og ígrunda viðhorf sín
geta tengt menningu samfélagsins, gildi og verðmæti við eigið líf
geta tekið þátt í rökræðum um stöðu kynjanna
skilja helstu orsakir kynjaskekkjunnar samkvæmt hugmyndum kynjafræðinnar
vera meðvitaður um áhrif jafnréttisbaráttunnar fyrr og nú
taka virkan þátt í samfélaginu, fjölskyldulífi og atvinnulífi með jafnrétti að leiðarljósi
geta metið eigið vinnuframlag og annarra
taka þátt í umræðum um tiltekin efni og koma þekkingu sinni, skoðunum sínum og hugmyndum á framfæri í ræðu og riti
Námsmat er útfært í kennsluáætlun í samræmi við skólanámskrá.