Það kom upp villa
senda inn
Áfangi
Áfangi Nánari upplýsingar
EFNA3LR05(FB)
lífræn efnafræði
FB
Svigrúmablöndun kolefnis, helstu flokkar lífrænna efna; alkanar, alkenar, alkýnar, arómatar, alkóhól, halíð, ketón, aldehýð, karboxýlsýrur, esterar, eterar og amín. Yfirlit yfir helstu hvörf og eðliseiginleika þessara efnaflokka. IUPAC-nafnakerfið, byggingarísómerur, rúmísómerur, byggingarformúlur, mólikúlformúlur, reynsluformúlur.
Nemandi skal hafa öðlast þekkingu og skilning á:
- svigrúmablöndun kolefnis
- einkennum lífrænna efna
- mismunandi tegundum byggingarformúla lífrænna efna
- byggingarísómerum og rúmísómerum
- helstu flokkum lífrænna efnahvarfa
- helstu flokkum lífrænna efna, einkennum þeirra og helstu hvörfum
- IUPAC-nafnakerfinu
- nokkrum hvarfgöngum lífrænna efnahvarfa
- þrávirkum lífrænum efnum og áhrifum þeirra á lífverur
Nemandi skal hafa öðlast leikni í að:
- lesa úr og skrifa formúlur lífrænna efna á fjölbreyttan hátt
- skrifa byggingarformúlur mögulegra byggingarísómera út frá gefinni sameindaformúlu
- skrifa byggingarformúlur rúmísómera
- flokka lífræn efni
- flokka efnahvörf lífrænna efna
- útskýra eðlis- og efnaeiginleika lífrænna efna út frá byggingu þeirra
- skrifa efnajöfnur fyrir helstu hvörf lífrænna efna
- gefa lífrænum efnum nöfn skv. IUPAC nafnakerfi
- skilja einfalda hvarfganga lífrænna efnahvarfa
- framkvæma tilraunir í tilraunastofu, greina niðurstöður og setja skýrt fram ásamt útreikningum í tilraunaskýrslu
Nemandi skal geta hagnýtt þá almennu þekkingu og leikni sem hann hefur aflað sér til að:
- átta sig á mikilvægi þekkingar á lífrænni efnafræði í nútímasamfélagi
- greina efnafræðileg úrlausnarefni og vinna úr þeim
- gera tilraunir í tilraunastofu, beita við það vísindalegum aðferðum og sýna sjálfstæð vinnubrögð
- bæta við sig þekkingu í efnafræði á háskólastigi
- fjalla um málefni er varða nýtingu náttúruauðlinda, mengun, náttúruvernd og sjálfbærni
Verkefni, tilraunaskýrslur og próf, sem taka mið af ofangreindum þekkingar-, leikni- og hæfniviðmiðum.