Áfanginn er bóklegur og er kenndur samhliða verklega áfanganum Hreyfing A. Í áfanganum verður fjallað um andlegt, líkamlegt og félagslegt heilbrigði. Lögð verður áhersla á forvarnir í víðu samhengi og nemendur fá tækifæri til að glöggva sig á gildismati sínu, hegðun, félagslegu umhverfi og framtíðarsýn. Einnig verður fjallað um námsstíla og vinnubrögð í námi.
Nemandi skal hafa öðlast þekkingu og skilning á:
forsendum og áhrifum þjálfunar á líkama og heilsu
mismunandi aðferðum til heilsuræktar
mikilvægi upphitunar og liðleika- og styrktarþjálfunar
helstu reglum og öryggisatriðum varðandi líkamlegt álag
mikilvægi svefns, hvíldar og slökunar
helstu flokkum næringarefna
mikilvægi þess að borða hollan og fjölbreyttan mat
verkefninu Heilsueflandi framhaldsskóli
mikilvægi kynheilbrigðis
algengum kynsjúkdómum og getnaðarvörnum
árangursríkum námsaðferðum og mikilvægi þess að setja sér markmið
góðum prófaundirbúningi og leiðum til að draga úr prófkvíða
streitu, streitustjórnun og geðheilbrigði
ýmsa áhættuþætti í lífi ungmenna s.s. tóbak og vímuefni, tölvu og netnotkun og hegðun í umferðinni
Nemandi skal hafa öðlast leikni í að:
beita mismunandi slökunaraðferðum og streitustjórnun
skoða sitt eigið mataræði og velja sem oftast holla næringu
greina mýtur, fordóma og ranghugmyndir í tengslum við kynhegðun
setja sér raunhæf markmið og skipuleggja hvernig þeim skuli náð
beita árangursríkri námstækni
skoða og meta eigið heilbrigði og velferð og taka ábyrgð á eigin hegðun
taka þátt í umræðum og rökstyðja eigin skoðanir
sýna tillitssemi og samkennd í samvinnu með öðrum
Nemandi skal geta hagnýtt þá almennu þekkingu og leikni sem hann hefur aflað sér til að:
efla styrkleika sína og vinna að því að þeir nýtist sem best
nota árangursrík vinnubrögð í námi
takast á við álag í daglegu lífi
fylgja eftir markmiðum sínum
taka ábyrgð á eigin lífi og gjörðum m.a. ábyrgrar afstöðu til áhættuhegðunar
Námsmat er útfært í kennsluáætlun í samræmi við skólanámskrá.