Grunnatriði talnameðferðar og algebru. Áhersla á að læra ákveðin grunnatriði til hlítar og byggja þannig upp sjálfstraust nemenda. Samlagning, frádráttur, margfeldi og deiling talna. Forgangsröð reikniaðgerða. Brotareikningur. Grunnatriði algebru. Einfaldar jöfnur og stæður
Nemendur sem fá einkunnina 5 eða lægri í lokaeinkunn grunnskóla taka þennan áfanga áður þeir taka STÆR1AU05 á fyrsta þrepi.
Nemandi skal hafa öðlast þekkingu og skilning á:
grunnatriðum táknmáls stærðfræðinnar
heilum tölum
röð aðgerða
almennum brotum
grunnatriðum algebru
einföldum fyrsta stigs jöfnum
Nemandi skal hafa öðlast leikni í að:
lesa þann hluta táknmáls stærðfræðinnar sem tengist efni þessa áfanga
meðhöndla heilar tölur, jákvæðar og neikvæðar, leggja saman, draga frá, margfalda og deila
meðhöndla almenn brot, jákvæð og neikvæð, leggja saman, draga frá, margfalda og deila
einfalda algebrustæður
liða einfaldar þáttastærðir
þátta einfaldar liðastærðir
leysa einfaldar fyrsta stigs jöfnur með einni óþekktri stærð
Nemandi skal geta hagnýtt þá almennu þekkingu og leikni sem hann hefur aflað sér til að:
lesa einfaldan stærðfræðitexta
geta unnið eftir fyrirmælum
láta skýringar fylgja með útreikningum
vanda alla framsetningu og sér í lagi að gæta að réttri notkun stærðfræðitákna
sýna útreikninga og skrá lausnir sínar skilmerkilega
Vetrareinkunn og lokapróf. Vetrareinkunn byggir á vikulegu mati alla önnina með verkefnum og prófum. Nemendur endurvinna öll verkefni og próf þar til þeir hafa náð tökum á viðkomandi efnisþáttum og fá þá vinnu metna. Lokapróf spannar alla helstu efnisþætti áfangans og tekur mið af þekkingar-, leikni- og hæfniviðmiðum hans.