Farið skref fyrir skref í hvernig vinna skal greinar, skýrslur, fyrirlestra og rannsóknarritgerðir. Hvernig setja skal fram rannsóknarspurningu og svara henni, skrifa góðar efnisgreinar, meta heimildir, skrá tilvísanir og tilvitnanir og setja fram heimildaskrá, Nemendur læra að nota leitarkerfi á bókarsafni og gagnageymslur á neti, t.d. dropbox. Nemendur vinna a.m.k. eitt einstaklingsverkefni og eitt hópverkefni í áfanganum.
Nemandi skal hafa öðlast þekkingu og skilning á:
byggingu málsgreina og efnisgreina
uppsetningu, orðalagi, byggingu og framsetningu ritgerða, skýrslna og fyrirlestra
því að skrifa í skrefum
gildi þess að tjá hugsanir sínar og viðhorf í rituðu máli
hvernig færa á skipulega rök fyrir skoðun sinni
því ferli sem nauðsynlegt er til að koma hugmynd í form
heimildavinnu
greinarmuninum á talmáli og ritmáli
Nemandi skal hafa öðlast leikni í að:
skrifa og byggja upp læsilegan texta á blæbrigðaríku máli og viðeigandi málsniði
nýta sér ábendingar varðandi eigin texta
mynda sér skoðun og tjá hana á gagnrýninn hátt með rökum
afmarka viðfangsefni
setja fram rannsóknarspurningu
meta gildi og áreiðanleika heimilda og skrá þær
tengja tilvitnanir eigin umfjöllun og leggja út af þeim
nota gagnageymslur á interneti
gera grein fyrir niðurstöðum rannsóknar
Nemandi skal geta hagnýtt þá almennu þekkingu og leikni sem hann hefur aflað sér til að:
nýta sköpunarkraft sinn
skrifa af hugmyndaauðgi
tjá viðhorf sín á rökstuddan hátt
setja sig í spor fólks með ólíkan bakgrunn og viðhorf á ýmsum stöðum og tímum
temja sér nákvæm og vönduð vinnubrögð við heimildavinnu
takast á við ritun hvers kyns texta
Námsmat er útfært í kennsluáætlun samkvæmt skólanámskrá.