Jafnrétti, fjármálalæsi, forvarnir, heilbrigði, samfélag og vinnumarkaður
Samþykkt af skóla
1
2
Áfanginn er bóklegur og er kenndur samhliða verklega áfanganum Hreyfing B. Í áfanganum verður fjallað um andlegt, líkamlegt og félagslegt heilbrigði. Lögð verður áhersla á forvarnir í víðu samhengi og nemendur fá tækifæri til að glöggva sig á gildismati sínu, hegðun, félagslegu umhverfi og framtíðarsýn. Lögð verður áhersla á jafnréttismál og staðan í samfélaginu skoðuð með tilliti til þess. Einnig verður fjallað um ungt fólk í tengslum við samfélagið, vinnumarkaðinn og fjármálalæsi.
Nemandi skal hafa öðlast þekkingu og skilning á:
grunnþjálfun íþrótta
skipulagi þjálfunar
æfingum sem bæta líkamsstöðu og vinnutækni
leiðum til að nýta heilsurækt í daglegum athöfnum
mikilvægi svefns, hvíldar og slökunar
fæðubótarefnum og lyfjamisnotkun í líkamsrækt
verkefninu Heilsueflandi framhaldsskóli
einföldum fjármálum daglegs lífs
helstu þáttum sem snerta gildi, kröfur, réttindi og skyldur á vinnumarkaði
að jafnréttismál varða allt samfélagið
staðalmyndum um kvenleika og karlmennsku
klámi og áhrifum þess á kynheilbrigði
kynbundnu ofbeldi svo sem kynferðislegu ofbeldi
góðum prófaundirbúningi og leiðum til að draga úr prófkvíða
streitu, streitustjórnun og geðheilbrigði
ýmsa áhættuþætti í lífi ungmenna s.s. tóbak og vímuefni, tölvu og netnotkun og hegðun í umferðinni
Nemandi skal hafa öðlast leikni í að:
beita mismunandi slökunaraðferðum og streitustjórnun
skoða upplýsingar um mataræði, lyf og fæðubótarefni á gagnrýninn hátt
líta á samfélagið út frá sjónarhorni kyns og kynferðis með gagnrýnum augum
greina stöðu og staðalmyndir kynjanna í fjölmiðlaefni, námsefni og almennri umræðu
greina áhrif kynjakerfisins á fjölskylduna og heimilið, skólagöngu og vinnumarkaðinn
greina goðsagnir varðandi kynjamun og kynímyndir í samfélaginu
skipuleggja, taka upplýstar ákvarðanir og bera ábyrgð á eigin fjármálum og neyslumynstri
afla sér viðeigandi upplýsinga um skyldur og réttindi á vinnumarkaði
skoða og meta eigið heilbrigði og velferð og taka ábyrgð á eigin hegðun
taka þátt í umræðum og rökstyðja eigin skoðanir
sýna tillitssemi og samkennd í samvinnu með öðrum
Nemandi skal geta hagnýtt þá almennu þekkingu og leikni sem hann hefur aflað sér til að:
efla styrkleika sína og vinna að því að þeir nýtist sem best
nota árangursrík vinnubrögð í námi
takast á við álag í daglegu lífi
sýna ábyrgð í fjármálum
taka ábyrgð á eigin lífi og gjörðum m.a. ábyrgrar afstöðu til áhættuhegðunar
líta á veröldina út frá sjónarhorni ólíkra hópa í samfélaginu
setja sig í spor annarra og ígrunda viðhorf sín
geta tengt menningu samfélagsins, gildi og verðmæti við eigið líf
geta tekið þátt í rökræðum um stöðu kynjanna
Námsmat er útfært í kennsluáætlun í samræmi við skólanámskrá.