Viðfangsefni þessa áfanga er stjörnuhimininn og þau fyrirbæri sem þar finnast. Fjallað er um eiginleika rafsegulbylgja og aðferðir stjörnufræðinga við rannsóknir með þeim, mismunandi gerðir sjónauka, reikistjörnur og önnur fyrirbrigði sólkerfisins, eðli sólarinnar, líf sólstjarna frá fæðingu til dauða, vetrarbrautir, fjarfyrirbrigði, heimsmynd nútímans og leit að lífi á öðrum hnöttum. Nemendur læra að lesa á stjörnukort og nýta sér upplýsingatækni við stjörnuathuganir og stjörnuskoðun. Einnig er fjallað um sögu stjörnufræðinnar, geimrannsóknir og geimferðir.
NÁTT1GR05 eða sambærilegur áfangi
Nemandi skal hafa öðlast þekkingu og skilning á:
helstu einkennum og eiginleikum reikistjarna sólkerfisins
ýmsum stjarnfræðilegum einingum og samböndum
eðli og víxlverkun rafsegulgeisla og efnis
mismunandi gerðum sjónauka
dæmigerðu lífshlaupi misstórra sólstjarna
eðli og gerð mismunandi vetrarbrauta
heimsmynd nútímans
geimferðum og geimrannsóknum
lögmáli Keplers
Nemandi skal hafa öðlast leikni í að:
reikna sólarhæð og sólargang út frá stöðu sólar á sólbaug og breiddargráðu athuganda með viðeigandi formúlum
reikna út eiginleika stjarna, s.s. birtu, fjarlægðir, yfirborðshitastig, ljósafl út frá gefnum forsendum
reikna út helstu eiginleika sjónauka út frá gefnum forsendum
beita lögmáli Keplers á reikistjörnurnar og tungl þeirra