Í áfanganum er áhersla lögð á að kynna virkni innrænna og útrænna afla og samspil þeirra við menn og umhverfi. Leitast er við að vekja áhuga og skilning á þeim ferlum sem móta landið og skapa þær náttúrlegu aðstæður sem menn búa við. Stuðlað er að aukinni meðvitund um notkun mismunandi orkugjafa og áhrif þeirra á umhverfið.
Helstu efnisatriði eru: Sólkerfið og staða jarðar í alheimi. Lofthjúpurinn, veður, ósoneyðing og gróðurhúsaáhrif. Alþjóðleg samvinna í umhverfismálum. Hafið og hafstraumar. Innræn öfl, innri gerð jarðar, landrek og möttulstrókar. Eldvirkni Íslands og mismunandi gerðir eldstöðva. Hnitakerfi jarðar, staðsetningar og mælikvarði. Jarðvarmi, uppruni, nýting og umhverfisáhrif. Bergtegundir jarðskorpunnar og hringrás bergs. Jarðefnaeldsneyti og umhverfisáhrif. Útræn öfl, grunnvatn, ár og vötn. Vatnsaflsvirkjanir, forsendur og umhverfisáhrif.
NÁTT1GR05 eða sambærilegur áfangi
Nemandi skal hafa öðlast þekkingu og skilning á:
tilteknum hugtökum og kenningum jarðfræðinnar
sérstöðu Íslands í jarðfræðilegu samhengi
mismunandi eðli helstu eldstöðva landsins
mismunandi landsvæðum á grundvelli staðfræði Íslands
nýtingu helstu orkuauðlinda landins að teknu tilliti til umhverfisáhrifa
Nemandi skal hafa öðlast leikni í að:
vinna með almenna umfjöllun um jarðfræðileg fyrirbæri til dæmis í fjölmiðlum
nota kort og loftmyndir við túlkun jarðfræðilegra gagna
lesa veðurupplýsingar af veðurkortum
teikna einfalt þversnið af innri gerð jarðar og flekamörkum
staðsetja flekamörk, gosbelti og möttulstrók landsins
útskýra hringrás bergs
Nemandi skal geta hagnýtt þá almennu þekkingu og leikni sem hann hefur aflað sér til að:
yfirfæra bóklega þekkingu yfir á það sem sjá má í náttúrunni til dæmis í vettvangsferðum
þekkja og greina í sundur algengustu bergtegundir á Íslandi
lesa úr gögnum er varða nýtingu orkuauðlinda og umhverfisáhrif þeirra
sýna sjálfstæð og öguð vinnubrögð í upplýsingaöflun, mati, úrvinnslu og framsetningu
Námsmat er útfært í kennsluáætlun í samræmi við skólanámskrá.