Það kom upp villa senda inn  Áfangi

    Áfangi Nánari upplýsingar


    Búið til: 1428667344.82

    Breiðbogaföll og pólhnitakerfi
    STÆR3BP05
    65
    stærðfræði
    Breiðbogaföll, pólhnitakerfi og tvinntölur
    Samþykkt af skóla
    3
    5
    Meginefni áfangans eru breiðbogaföll, heildun, pólhnitakerfi, tvinntölur og diffurjöfnur auk tengdra viðfangsefna. Breiðbogaföll eru skoðuð og þau borin saman við hornaföll. Farið er í hvernig heildun er notuð til að finna rúmmál snúða, yfirborð og bogalengd. Einnig eru pólhnitakerfi og tvinntölur skoðaðar í rétthyrndum hnitum og pólhnitum. Lausnir annars stigs línulegra diffurjafna með stuðlum úr mengi rauntalna. Skoðuð eru tengsl milli efnis áfangans og hagnýtingu þess. Í áfanganum er lögð áhersla á skipulögð vinnubrögð, röksemdafærslur og nákvæmni í framsetningu við lausn verkefna í stærðfræði.
    STÆR3HE05 eða sambærilegur áfangi
    Nemandi skal hafa öðlast þekkingu og skilning á:
    • breiðbogaföllunum, reglum þeim tengdum og óbein tengsl þeirra við hornaföll
    • heildun og rúmmálsreikningum snúðs
    • pólhnitakerfinu og tengslum þess við rétthyrnt hnitakerfi
    • tvinntölukerfinu
    • annars stigs línulegum diffurjöfnum
    Nemandi skal hafa öðlast leikni í að:
    • skoða og teikna breiðbogaföll og beita reglum þeim tengdum
    • reikna rúmmál snúðs sem fram kemur þegar svæði er snúið um láréttan eða lóðréttan ás
    • skoða og nota tvinntölureikning, bæði á venjulegu formi og á pólhnitaformi
    • breyta stærðartáknum úr rétthyrndu kerfi yfir í pólhnit og öfugt
    • leysa annars stigs línulegar diffurjöfnur, með rauntölustuðlum, bæði hliðraðar og óhliðraðar
    Nemandi skal geta hagnýtt þá almennu þekkingu og leikni sem hann hefur aflað sér til að:
    • skilja tvinntölur og geti samsvarað þær vigurreikningi í tvívíðu rúmi
    • meðhöndla tvinntölur og geta sýnt öðrum hvernig þær eru uppbyggðar
    • útskýra hvernig snúðar myndast og nýta heildun til að finna rúmmál þeirra
    • fjalla um notagildi diffurjafna og í hverju lausn þeirra er fólgin
    • setja margs konar verkefni upp með táknmáli stærðfræðinnar og leysa þau
    • beita skipulögðum aðferðum við lausn verkefna og rökstyðja aðferðir sínar
    • skrá lausnir sínar skipulega og skiptast á skoðunum um þær við aðra
    Námsmat er útfært í kennsluáætlun í samræmi við skólanámskrá.