Hringrás efnahagslífsins er útskýrð og fjallað um helstu hagstærðir þjóðarbúsins og innbyrðis tengsl þeirra. Helstu vandamál efnahagslífsins svo sem verðbólga, atvinnuleysi, viðskiptahalli, erlend og innlend skuldasöfnun eru tekin til skoðunar og farið er yfir kenningar um orsakir þeirra og leiðir til lausnar vandans eru ræddar. Fjallað verður um hlutverk Seðlabankans.
Nemendur fá þjálfun í að lesa úr línuritum og innsýn í notkun vísitalna og fleiri algengar aðferðir við vinnslu á hagfræðilegum upplýsingum. Íslenskt efnahagslíf, breytingar þess og þróun undanfarna áratugi, er einnig verkefni áfangans. Fylgst er með efnahagsmálaumræðu í fjölmiðlum, á Alþingi og í sveitarstjórnum.
FÉLV1ÞF05 eða sambærilegur áfangi.
Nemandi skal hafa öðlast þekkingu og skilning á:
helstu einkennum markaðshagkerfis, blandaðs hagkerfis og miðstýrðs áætlanahagkerfis
lögmálinu um minnkandi afrakstur í framleiðslu
að skýra þann mun sem er á vergum og hreinum hagstærðum, þjóðarframleiðslu, landsframleiðslu, markaðsverði og þáttarverði
að reikna þjóðhagsstærðir á föstu verðlagi og hlutfallslegar breytingar á milli ára helstu umsvifum í hinu opinbera efnahagslífi
greiðslujöfnuði
vandamálum í efnahagslífinu: verðbólgu, atvinnuleysi og erlendum skuldum
hagvexti
Nemandi skal hafa öðlast leikni í að:
nota framboðs- og eftirspurnarlínurit til að skoða þróun á markaði
leggja mat á upplýsingar um efnahagsmál
tengja undirstöðuþekkingu í þjóðhagfræði við þróun efnahagsmála
nýta sér upplýsingatækni og netið við öflun upplýsinga og lausn verkefna
getað reiknað hagvöxt og þekkja helstu ákvörðunarþætti
Nemandi skal geta hagnýtt þá almennu þekkingu og leikni sem hann hefur aflað sér til að:
taka þátt í daglegri efnahagsumræðu út frá faglegu sjónarmiði
Námsmat er útfært í kennsluáætlun í samræmi við skólanámskrá.