Í áfanganum er veðurfræði í brennidepli og er hann m.a. hugsaður sem liður í undirbúningi nemenda fyrir háskólanám í raungreinum. Námsbókin er á ensku en ítarefni bæði á íslensku og ensku. Lögð er sérstök áhersla á að nemendur öðlist dýpri skilning á þeim ferlum sem eiga sér stað í lofthjúp jarðar og afleiðingum athafna mannsins á hann.
Jarðfræði á 1. þrepi og 5 feiningar í ensku á 3 þrepi.
Nemandi skal hafa öðlast þekkingu og skilning á:
• grundvallarhugtökum, skilgreiningum og ferlum sem snúa að veðurfræði
• loftslagsbeltum, gróðurbeltum og staðsetningu þeirra á jörðinni
• loftmössun og varmaflutningi tengdum þeim
• akademískum orðaforða tengdum náttúrufræði og veðurfræði bæði á ensku og á íslensku
Nemandi skal hafa öðlast leikni í að:
• lesa veðurkort og hlusta á veðurfréttir bæði á ensku og íslensku
• lesa í umhverfi sitt og geta lýst því hvernig veðrið er og spáð hvernig framhaldið verður
• nota hrá veðurfarsgögn til að spá fyrir um veður
• skilja sérhæfða texta á ensku
Nemandi skal geta hagnýtt þá almennu þekkingu og leikni sem hann hefur aflað sér til að:
• yfirfæra bóklega þekkingu á daglegt líf
• nýta sér fyrirlestra, umræður og rökræður um veðurfræði bæði á ensku og íslensku
• geta lesið sér til gagns um flókið efni, fræðilegs og/eða tæknislegs eðlis á ensku
• geta lýst skýrt og greinilega á ensku flóknum hlutum eða ferlum á sviði veðurfræði
• afla heimilda á íslensku og ensku og meta gildi þeirra
Námsmat byggir á vettvangsferðum, hópavinnu, umræðum, verklegu námi, ritunaræfingum og prófum jafnt munnlegum sem skriflegum. Áfanginn er lagður upp sem símatsáfangi.