Í þessum áfanga er maðurinn og umhverfi hans í brennidepli. Skoðað er hvernig athafnir mannsins hafa áhrif á umhverfið og hvernig hægt er að draga úr neikvæðum áhrifum þeirra. Nemendur kynnast líka mismunandi tegundum korta og kortavarpana og læra að staðsetja sig í tíma og rúmi. Áfanginn byggir að miklu leyti á verklegum æfingum og verkefnum sem nemendur vinna undir leiðsögn kennara.
Nemandi skal hafa öðlast þekkingu og skilning á:
helstu þáttum í sögu kortagerðar
mismunandi landnýtingu og hvaða orsakir liggja þar að baki
helstu gerðum skipulags s.s. aðal-, svæða- og deiliskipulagi
helstu kenningum um mannfjöldabreytingar
Nemandi skal hafa öðlast leikni í að:
lesa mismunandi kort og reikna út vegalengdir
staðsetja sig í bauganeti jarðar
meta mögulega landnýtingu út frá tópógrafískum kortum
Nemandi skal geta hagnýtt þá almennu þekkingu og leikni sem hann hefur aflað sér til að:
yfirfæra fræðin á umhverfi sitt
taka þátt í umræðum um vandamál sem tengjast þróun fólksfjölda
taka þátt í umræðum um auðlindir og umhverfismál
Skýrslur og skilaverkefni úr verklegum æfingum. Hlutapróf og verkefni sem nemendur leysa í kennslustund og heima. Lokapróf.