Áfanginn er ætlaður þeim nemendum sem vilja lesa sér til ánægju og þroska. Tilgangurinn er að kynnast fjölbreyttu úrvali þekktra íslenskra bóka. Einnig er á leslista áfangans úrval þýddra bóka breytilegt frá önn til annar. Markmið áfangans er að æfa nemendur í að gera skipulega munnlega grein fyrir efni bóka sem þeir hafa valið sér af bókalista, tjá skoðanir og viðhorf auk greiningar á efni viðkomndi bókar.
5 feiningar á 3. þrepi í íslensku.
Nemandi skal hafa öðlast þekkingu og skilning á:
höfundi bókar og ritunartíma bókar í höfundarverki viðkomandi höfundar
öðrum helstu bókum viðkomandi höfundar
helstu lögmálum sem gilda í skipulegum munnlegum frásögnum og skýrslum
helstu hugtökum sem notuð eru í umfjöllun um efni skáldsagna í markvissri umræðu
Nemandi skal hafa öðlast leikni í að:
greina bókmenntatexta
tjá sig munnlega á greinargóðu og blæbrigðaríku máli um efni bókar
setja saman munnlega greinargerð um skáldsögu á lipran hátt
setja söguna í bókmenntalegt samhengi í ljósi bókmenntasögu
Nemandi skal geta hagnýtt þá almennu þekkingu og leikni sem hann hefur aflað sér til að:
beita tungumálinu á árangursríkan og viðeigandi hátt í frásögn
tjá rökstudda afstöðu til efnis og komast að niðurstöðu um boðskap
draga saman aðalatriði, beita gagnrýninni hugsun við lestur, túlkun og úrvinnslu textans og geta miðlað því á skýran hátt
átta sig á samfélagslegri skírskotun og duldum boðskap textans
sýna víðsýni, skilning og sanngirni í málflutningi og afstöðu sinni til efnis
beita bókmenntagreiningu
Námsmat byggist á þekkingu, leikni og hæfni við flutning umfjöllunar um hverja lesna bók.