Inngangur að stjórnun, samfélagsleg ábyrgð, viðskiptasiðferði
Samþykkt af skóla
3
5
Farið er yfir grunnhugtök og kenningar í stjórnun, viðskiptasiðferði og samfélagslega ábyrgð fyrirtækja. Leitast er við að veita nemendum innsýn í störf stjórnenda og kynna þeim ýmis verkefni sem þeir inna af hendi. Nemendum eru kynnt gildi stjórnunar og skipulagningar fyrir einstaklinginn, fyrirtækið og samfélagið. Viðfangsefni áfangans miða meðal annars að því að undirbúa nemendur fyrir þátttöku í félags- og atvinnulífi.
10 feiningar í viðskiptagreinum á öðru þrepi
Nemandi skal hafa öðlast þekkingu og skilning á:
þróun stjórnunar sem fræðigreinar
helstu stjórnunarkenningum og hlutverkum stjórnandans
mikilvægi stjórnunar fyrir einstaklinginn, fyrirtæki og samfélagið
helstu undirgreinum stjórnunar
viðskiptasiðferði og samfélagslegri ábyrgð
Nemandi skal hafa öðlast leikni í að:
beita grunnhugtökum stjórnunar við verkefnavinnu
stjórna fundum
gera starfsferilsskrá
setja sér markmið
Nemandi skal geta hagnýtt þá almennu þekkingu og leikni sem hann hefur aflað sér til að:
greina mismunandi einkenni stjórnenda
taka þátt í umræðum um stjórnunarleg viðfangsefni
beita tækjum og tólum stjórnunar við lausn verkefna
vinna raunhæf verkefni um stjórnendur í atvinnulífinu
Símat. Nemendur vinna raunhæf verkefni þar sem helstu hugtök og aðferðir eru notaðar.