Í áfanganum er fjallað um grundvallarþætti vinnumarkaðarins á Íslandi. Vinnulöggjöf kynnt og þær stoðir sem vinnumarkaðurinn byggir á. Lögð er áhersla á að nemendur fái innsýn í lífeyriskerfið, tengingu þess við almannatryggingakerfið og þær launatengdu tryggingar sem launafólk nýtur á vinnumarkaði. Fjallað er um réttindi og skyldur á vinnumarkaði og hvernig nálgast má upplýsingar um þessa málaflokka. Einnig er farið yfir hvað kaupmáttur launa er, skiptingu þjóðartekna og velferðarsamfélag. Mismunandi vinnuumhverfi starfstéttarinnar er skoðað.
Nemandi skal hafa öðlast þekkingu og skilning á:
uppbyggingu vinnumarkaðarins á Íslandi
lífeyriskerfinu á Íslandi
mun á launþega og verktaka
réttindum og skyldum á vinnumarkaði
mismunandi vinnuumhverfi
hlutverkum trúnaðarmanna
Nemandi skal hafa öðlast leikni í að:
lesa úr launatöxtum
útskýra kaupmátt
Nemandi skal geta hagnýtt þá almennu þekkingu og leikni sem hann hefur aflað sér til að:
gera greinarmun á launþega og verktaka
miðla upplýsingum um vinnumarkaðinn
greina helstu reglur um réttindi og skyldur á vinnumarkaði
geta upplýst aðra um uppbyggingu kjarasamninga og lífeyrisréttindi