Í áfanganum er farið í helstu hugtök úr varma- og aflfræði: Gasjöfnuna fyrir kjörgas, eðlisvarma, varmarýmd, bræðsluvarma, jafngildi varmaorku og vélrænnar, skákast við yfirborð jarðar, skriðþunga í fleti, hringhreyfingu, lögmál Kepler, þyngdarlögmálið, sveifluhreyfingu, einfaldan pendúl, bylgjuhreyfingu, Dopplerhrif, desíbelskalann og lögmál Snells svo eitthvað sé nefnt. Í verkefnavinnu áfangans er lögð áhersla á nákvæmni í framsetningu, röksemdafærslu og notkun formúlna. Auk styttri verkefna er lögð áhersla á að nemandinn kynnist lögmálum eðlisfræðinnar af eigin raun með tilraunum, kynnist nútímatækni við skráningu og úrvinnslu og riti vinnubók.
EÐLI2GR05 eða samsvarandi áfangi.
Nemandi skal hafa öðlast þekkingu og skilning á:
varmafræði og gasjöfnu
tvívíðri hreyfingu
hringhreyfingu
þyngdarlögmálinu
bylgjuhreyfingu
Nemandi skal hafa öðlast leikni í að:
beita viðeigandi lögmálum og jöfnum við úrlausnir á verkefnum
framkvæma verklegar æfingar og vinna úr mæliniðurstöðum
Nemandi skal geta hagnýtt þá almennu þekkingu og leikni sem hann hefur aflað sér til að:
sýna sjálfstæði í vinnubrögðum
nota rökhugsun til að gera sér grein fyrir hvort niðurstöður útreikninga og mælinga séu raunhæfar
tengja eðlisfræðina við daglegt líf og umhverfi og gera sér grein fyrir notagildi hennar