Í áfanganum er lagður grunnur að aflfræði með hreyfilögmálum Newtons, varðveislu skriðþungans, ljósfræði og farið í varðveislu orkunnar. Gert er ráð fyrir þessari grunnþekkingu í framhaldsáföngum í eðlisfræði. Í verkefnavinnu áfangans er lögð áhersla á nákvæmni í framsetningu, röksemdafærslu og notkun formúlna. Auk styttri verkefna er lögð áhersla á að nemandinn kynnist lögmálum eðlisfræðinnar af eigin raun með tilraunum, kynnist nútímatækni við skráningu og úrvinnslu og riti vinnubók.
Nemandi þarf að hafa lokið eðlisfræði á 1. þrepi og 5 feiningum í stærðfræði á 2. þrepi.
Nemandi skal hafa öðlast þekkingu og skilning á:
• vísindalegri aðferð
• einingum í SI-kerfinu
• öllum helstu hugtökum sem notuð eru í hreyfi-, afl- og ljósgeislafræði
• lögmálum Newtons
• skriðþunga, vélrænni orku og heildarorku ásamt varðveislu þeirra
Nemandi skal hafa öðlast leikni í að:
• vinna með tölur og vigra
• beita viðeigandi lögmálum og jöfnum við úrlausnir á verkefnum
• framkvæma verklegar æfingar og vinna úr mæliniðurstöðum
Nemandi skal geta hagnýtt þá almennu þekkingu og leikni sem hann hefur aflað sér til að:
• sýna sjálfstæði í vinnubrögðum
• nota rökhugsun til að gera sér grein fyrir hvort niðurstöður útreikninga og mælinga séu raunhæfar
• tengja eðlisfræðina við daglegt líf og umhverfi og gera sér grein fyrir notagildi hennar