Í þessum áfanga eru tekin fyrir áhrifamestu trúarbrögð heims og goðsögur sem sameiginlegar eru í mismunandi trúarbrögðum. Unnið er með margvíslegar heimildir sem tengjast efninu. Markmiðið er tvíþætt: annars vegar að nemendur þekki sögu trúarbragða mannkyns og áhrif þeirra á samfélög dagsins í dag, hins vegar að nemendur geti rætt af þekkingu og fordómaleysi um trúarbrögð og málefni þeim tengd.
Saga á fyrsta þrepi.
Nemandi skal hafa öðlast þekkingu og skilning á:
sögulegum bakgrunni helstu trúarbragða mannkyns
sameiginlegum þáttum trúarbragða og goðsagna
fjölbreytileika trúfélaga á Íslandi
lögum og reglum á Íslandi um trúarbrögð og trúfélög
Nemandi skal hafa öðlast leikni í að:
nálgast upplýsingar sem settar eru fram á margbreytilegan hátt
túlka texta sem birtast í trúarritum mismunandi trúarbragða
setja sjálfur fram upplýsingar sem tengjast trúarbrögðum
vinna ýmist einn eða með öðrum við upplýsingaöflun um trúarbrögð og sögu þeirra
Nemandi skal geta hagnýtt þá almennu þekkingu og leikni sem hann hefur aflað sér til að:
vinna úr fréttum og annarri umfjöllun um atburði líðandi stundar sem tengist trúarbrögðum og sögu þeirra
taka afstöðu til margvíslegra upplýsinga um trúarbrögð
vinna úr margvíslegum upplýsingum um trúarbrögð á gagnrýninn hátt
vinna sjálfstætt en einnig með öðrum að túlkun og framsetningu á sögu trúarbragða
vera virkur þátttakandi í aðgerðum sem viðhalda lýðræðislegu og sjálfbæru samfélagi
meta áhrif fjölmiðla þegar kemur að hugmyndum okkar um trúarbrögð
Fjölbreytilegt námsmat. Nánar um námsmat í kennsluáætlun.