Farið er í gerð og starfsemi taugakerfis, einkum heila og taugafrumna. Hormónakerfið og tengsl hormóna við hegðun eru einnig tekin fyrir. Skynjun, lífeðlislegar undirstöður hennar og hugræn úrvinnsla er til umfjöllunar, sem og skynvillur. Fjallað er um vitund og breytt vitundarstig svo sem: svefn, drauma, dagdrauma, dáleiðslu og vímu af völdum lyfja.
Sálfræði á öðru þrepi.
Nemandi skal hafa öðlast þekkingu og skilning á:
taugakerfi mannsins, starfsemi þess og tengslum heilastarfsemi við hegðun, hugsun og tilfinningar
áhrifum geðlyfja á geðsjúkdóma og áhrifum algengustu vímuefna m.a. á lífefna- og lífeðlisfræði heilans og skynjun
lífeðlisfræðilegri gerð augans og eyrans og skilning á sjón- og hljóðskynjun
helstu hugmyndum um hlutverk svefns og drauma og á rannsóknum á eðli svefnsins
vísindalegum vinnubrögðum við gagnaöflun og framsetningu niðurstaðna í lífeðlissálfræði
Nemandi skal hafa öðlast leikni í að:
afla sér með fjölbreyttum hætti fræðilegra upplýsinga um taugakerfið, uppbyggingu þess, lögmál og starfsemi
vísa til heimilda í fræðilegum texta og fullvinna heimildarskrá
Nemandi skal geta hagnýtt þá almennu þekkingu og leikni sem hann hefur aflað sér til að:
miðla upplýsingum/umræðu um málefni er varða lífeðlissálfræði
bera saman og leggja mat á mismunandi aðferðir lífeðlissálfræði til gagnaöflunar
beita vísindalegum vinnubrögðum sem viðurkennd eru innan fræðigreinarinnar
leggja mat á og túlka niðurstöður gagnaöflunar (tilraunar), taka afstöðu til tilgátna við úrvinnslu gagnaöflunar og verja og/eða gagnrýna ýmiss álitamál innan lífeðlissálfræðinnar
Próf, leiðsagnamat, rannsóknarvinna (tilraun og skýrsla), fyrirlestrarverkefni/kynning