Lögð er áhersla á lestur bókmennta og fræðslu um franska menningu og menningu annarra frönskumælandi landa. Franskir og aðrir frönskumælandi rithöfundar eru kynntir og lesið úr verkum þeirra. Nemendur fást við fjölbreyttara og þyngra efni en áður og eru hvattir til aukins sjálfstæðis í vinnubrögðum.
5 feiningar á 2. þrepi í frönsku
Nemandi skal hafa öðlast þekkingu og skilning á:
fjölbreyttum orðaforða
ólíkum viðhorfum og gildum og hvernig þau móta menninguna í þeim löndum sem tungumálið er talað
Nemandi skal hafa öðlast leikni í að:
lesa franska texta um margs konar efni eins og t.d. bókmenntatexta, ljóð og fræðsluefni
skrifa texta um margs konar efni á frönsku og fylgja helstu reglum um málbeitingu
tjá sig um efni sem hann hefur kynnt sér og undirbúið
skilja talað mál við mismunandi aðstæður
taka þátt í samskiptum á viðeigandi hátt
Nemandi skal geta hagnýtt þá almennu þekkingu og leikni sem hann hefur aflað sér til að:
skilja megininntak erinda og rökræðna
tjá skoðanir sínar bæði munnlega og skriflega
tileinka sér efni ritaðs texta og hagnýta á mismunandi hátt
lesa bókmenntatexta og fræðsluefni sér til gagns og gamans
gera sér grein fyrir ólíkum viðhorfum og gildum sem hafa mótað menninguna í frönskumælandi löndum og geti tengt þau eigin menningu