Í þessum áfanga eru tekin fyrir þrjú þemu hverju sinni og er það breytilegt á milli ára. Gjarnan er um að ræða efni af alþjóðavettvangi sem hátt ber í samfélagsumræðunni. Unnið er með margvíslegar heimildir, m.a. horft á kvikmyndir sem tengjast efninu.
Saga á öðru þrepi
Nemandi skal hafa öðlast þekkingu og skilning á:
sögulegum bakgrunni atburða líðandi stundar
völdum þjóðfélögum sem hafa verið í fréttum nýlega og kjörum þeirra sem í þeim búa
ýmiss konar mannréttindabaráttu í heiminum
Nemandi skal hafa öðlast leikni í að:
lesa sér til gagns upplýsingar sem settar eru fram á margbreytilegan hátt, bæði á íslensku og ensku
setja sjálfur fram upplýsingar og styðja þær sögulegum rökum
greina sameiginlega ábyrgð jarðarbúa á umhverfi sínu, ekki síst í tengslum við afleiðingar stríðsátaka
vinna ýmist einn eða með öðrum að sameiginlegum sagnfræðilegum markmiðum
Nemandi skal geta hagnýtt þá almennu þekkingu og leikni sem hann hefur aflað sér til að:
vinna á gagnrýninn hátt úr fréttum og annarri umfjöllun um atburði líðandi stundar
taka virkan þátt í aðgerðum sem viðhalda lýðræðislegu og sjálfbæru samfélagi
Fjölbreytilegt námsmat. Nánar um námsmat í kennsluáætlun.