Nemendur fræðast um ýmislegt sem tengist Þýskalandi og öðrum þýskumælandi löndum, fólkinu sem þar býr, siðum þess og venjum. Nemendur lesa sjálfstætt fjölbreytta texta svo sem stuttar sögur, samtöl og blaðagreinar. Nemendur leita upplýsinga, greina o.fl. á netinu.
Áhersla er lögð á að nemendur tjái sig munnlega um það sem þeir lesa og upplifa t.d. af vefmiðlum og kvikmyndum. Stefnt er að því að nemendur haldi kynningar fyrir kennara og samnemendur í hópnum um þau mismunandi efni sem unnið er með í áfanganum og eru þeir hvattir til sjálfstæðis í vinnubrögðum.
5 feiningar á 2. þrepi í þýsku.
Nemandi skal hafa öðlast þekkingu og skilning á:
fjölbreyttum orðaforða
grundvallaruppbyggingu þjóðfélagsins í þýskumælandi löndum
notkun tungumálsins við mismunandi aðstæður bæði munnlega og skriflega
Nemandi skal hafa öðlast leikni í að:
skilja talað mál sem talað er við mismunandi aðstæður sem og algeng orðasambönd
lesa texta á fjölbreyttu formi
taka virkan þátt í samskiptum og beita málfari við hæfi
skrifa margs konar texta og fylgja helstu reglum um málbeitingu
tjá sig um efni sem hann hefur kynnt sér og undirbúið
Nemandi skal geta hagnýtt þá almennu þekkingu og leikni sem hann hefur aflað sér til að:
taka þátt í skoðanaskiptum, munnlega og skriflega, á viðeigandi hátt
taka virkan þátt í samræðum
tjá eigin skoðanir, skrifa texta frá eigin brjósti
tileinka sér efni ritaðs máls og hagnýta á mismunandi hátt
Framfarir nemenda eru stöðugt metnar og tekið er tillit til allra færniþáttanna fjögurra (lestur, hlustun, tal og ritun). Mat felst í prófum og verkefnum, munnlegum og skriflegum.