Í áfanganum eru teknir fyrir valdir þættir úr Íslands- og mannkynssögu frá upphafi til okkar daga. Sögunni frá upphafi mannsins til nútíma er skipt upp í ákveðin þemu sem nemendur læra um. Námsefni er fjölbreytilegt en þó lögð áhersla á sérstaka efnisþætti sögunnar og nemendur tengja efnið við nútímann. Lagt er kapp á að hafa kennsluaðferðir sem fjölbreytilegastar.
Nemandi skal hafa öðlast þekkingu og skilning á:
sögulegum bakgrunni atburða líðandi stundar
margbreytilegu mannlífi bæði í fortíð og nútíð
Nemandi skal hafa öðlast leikni í að:
afla sér upplýsinga um sögulega viðburði
túlka sögulegt efni sem hann kynnist í námi
setja sjálfur fram upplýsingar á fjölbreyttan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
taka afstöðu til margvíslegra upplýsinga um söguleg efni