Í þessum áfanga er unnið með námsefni af menningarlegum toga til að dýpka skilning nemenda á menningu spænskumælandi landa. Nemendur lesa valda bókmenntatexta og læra sögu þjóða í gegnum þá og kynna sér listgreinar með það að leiðarljósi að auka orðaforða og þekkingu á sérkennum þjóðanna. Þeir vinna þemaverkefni og kynna fyrir samnemendum sínum. Megináhersla verður lögð á hlustun og tal. Ætlast er til að nemendur sýni meira sjálfstæði en fyrr í að afla sér upplýsinga og nýta sér hina ýmsu miðla.
5 feiningar á 2. þrepi í spænsku.
Nemandi skal hafa öðlast þekkingu og skilning á:
notkun tungumálsins til að mæta hæfniviðmiðum áfangans bæði munnlega og skriflega
bókmenntum, listum og sögu spænskumælandi landa
ólíkum viðhorfum og gildum og hvernig þau móta menninguna í þeim löndum þar sem spænska tungumálið er notað
Nemandi skal hafa öðlast leikni í að:
fylgja meginþræði í samræðum eða umfjöllun um tiltekin málefni daglegs lífs
lesa ýmiss konar texta og greinar um valið efni
taka þátt í samskiptum og beita málfæri við hæfi
halda stutta og hnitmiðaða kynningu um efni sem hann hefur valið sjálfur
skrifa hnitmiðaða frásögn og fylgja helstu rithefðum og reglum um málbeitingu
Nemandi skal geta hagnýtt þá almennu þekkingu og leikni sem hann hefur aflað sér til að:
tjá eigin skoðanir, bæði munnlega og skriflega, rökstyðja mál sitt
miðla sinni þekkingu og skoðun á efni sem hann hefur kynnt sér
fjalla á ítarlegan hátt, bæði munnlega og skriflega um skáldverk sem hann hefur lesið eða kvikmynd sem hann hefur séð í áfanganum
gera sér grein fyrir ólíkum viðhorfum og gildum sem hafa mótað menninguna í spænskumælandi löndum og geti tengt þau eigin menningu
Framfarir nemenda eru stöðugt metnar og tekið er tillit til allra færniþáttanna fjögurra: lesturs, hlustunar, tals og ritunar. Mat felst í verkefnum, munnlegum og skriflegum prófum.