Í áfanganum verður farið í grunnhugtök og hugmyndafræði heimspekilegrar hugsunar. Ýmsir áhrifamiklir heimspekingar kynntir til sögunnar og fjallað sérstaklega um forn-gríska heimspeki. Kynntar verða hugmyndir um verðmæti og gildi og tengsl þeirra við lög, reglur og mannréttindi. Umræður í kennslustundum.
Hafa lokið 50 feiningum auk byrjunaráfanga í félagsvísindum.
Nemandi skal hafa öðlast þekkingu og skilning á:
helstu hugmyndum forngrískra heimspekinga
grundvallarhugtökum í heimspeki
forsendum siðferðis (laga, reglna og hinna ýmsu sáttmála, yfirlýsinga og réttinda)
einkennum siðferðilegra álitamála
Nemandi skal hafa öðlast leikni í að:
koma frá sér óhlutbundinni hugsun í rituðu og mæltu máli
greina á milli gildra og ógildra raka
greina siðferðileg álitamál
Nemandi skal geta hagnýtt þá almennu þekkingu og leikni sem hann hefur aflað sér til að:
heimfæra þær hugmyndir sem hafa verið til umfjöllunar í áfanganum á daglegt líf
tileinka sér gagnrýna hugsun
rökstyðja skoðanir sínar
forgangsraða verðmætum og gildum
Ritgerð, rökræður, hópverkefni og einstaklingsverkefni