Áfanginn er fyrir alla sem hafa áhuga á að auka við þekkingu sína á hinum ýmsu sviðum. Í áfanganum búa nemendur til lista yfir ýmislegt sem mannkynið hefur mótað, fundið upp eða komist að í gegnum tíðina. Nemendur þjálfast í að leita að markverðum staðreyndum, búa til spurningar um þær og leggja margvíslegt efni á minnið.
Reglulega keppa nemendur sín í milli og þeir þjálfaðir í þeim atriðum sem eru áberandi í skólakeppninni "Gettu betur"
Nemandi skal hafa öðlast þekkingu og skilning á:
gerð spurninga bæði í stuttu og löngu formi
ýmsum fræðasviðum
Nemandi skal hafa öðlast leikni í að:
búa til markvissar spurningar sem henta í spurningaleiki
afla upplýsinga bæði á veraldarvefnum og í bókum
svara spurningum hratt og vel
Nemandi skal geta hagnýtt þá almennu þekkingu og leikni sem hann hefur aflað sér til að:
taka þátt í spurningakeppni
setja saman spurningaleiki og sjá um framkvæmd þeirra
meta menntunargildi spurningaleikja
Kennari sér um námsmat og er því lýst nánar í kennsluáætlun.