Nemendur dýpka enn meira þekkingu sína í málfræði. Áfram er unnið með hlustun, lestur, tal og ritun eftir því sem viðfangsefni gefa tilefni til. Ætlast er til að nemendur sýni meira sjálfstæði en fyrr í að afla sér upplýsinga og nýta sér hina ýmsu miðla. Unnið er með námsefni af menningarlegum toga. Nemendur lesa stutta skáldsögu, vinna saman verkefni og kynna fyrir samnemendum sínum.
15 feiningar á 1. þrepi í spænsku.
Nemandi skal hafa öðlast þekkingu og skilning á:
orðaforða sem nauðsynlegur er til að mæta hæfniviðmiðum áfangans, þ.m.t. orðasamböndum og þverfaglegum orðaforða
notkun tungumálsins til að mæta hæfniviðmiðum þrepsins bæði munnlega og skriflega
mannlífi, menningu og siðum í spænskumælandi löndum
Nemandi skal hafa öðlast leikni í að:
skilja aðalatriði þegar rætt er um málefni daglegs lífs
lesa ýmiss konar texta um valið efni
taka þátt í samræðum um afmörkuð undirbúin efni og tjá afstöðu sína til málefna sem tengjast námsefninu
afla sér upplýsinga og nýta þær til að halda stutta og hnitmiðaða kynningu um efni sem hann hefur valið sjálfur
skrifa texta á spænsku um margs konar efni og beita málnotkunarreglum við hæfi
Nemandi skal geta hagnýtt þá almennu þekkingu og leikni sem hann hefur aflað sér til að:
fylgjast með frásögnum og greina aðalatriði samræðna, fjölmiðlaefnis og rökræðna
lesa texta af hæfilegu þyngdarstigi þar sem ákveðin viðhorf eða skoðanir eru kynntar, átta sig á tilgangi og afstöðu textahöfundar
taka þátt í samræðum og skoðanaskiptum um efni sem hann þekkir, hefur áhuga á eða tengist daglegu lífi
Miðla eigin þekkingu, skoðunum, tilfinningum, vonum, væntingum og framtíðaráformum
Námsmatið endurspeglar þjálfun færniþátta í kennslu. Framfarir nemenda eru stöðugt metnar og tekið er tillit til allra færniþáttanna fjögurra: lesturs, hlustunar, tals og ritunar. Mat felst í verkefnum, munnlegum og skriflegum prófum.