Nemendur dýpka þekkingu sína í málfræði og menningu spænskumælandi þjóða. Einnig eru nemendur þjálfaðir í að tjá sig um almenn atriði daglegs lífs í ræðu og riti. Þeir eru þjálfaðir í réttritun, framburði og lesskilningi. Mikil áhersla er lögð á hlustun og munnlega tjáningu.
10 feiningar á 1. þrepi í spænsku.
Nemandi skal hafa öðlast þekkingu og skilning á:
auknum orðaforða sem tengist m.a. endurminningum og framtíðaráformum
flóknari atriðum málfræðinnar
mannlífi, menningu og siðum í spænskumælandi löndum
Nemandi skal hafa öðlast leikni í að:
skilja talað mál um efni sem hann þekkir ef talað er skýrt og greinilega
lesa ýmiss konar texta um efni sem tengjast áhugasviði nemandans
taka þátt í almennum samræðum, t.d. ræða um liðna atburði, áform og persónulegri reynslu með aðstoð viðmælenda
skrifa frásögn um ýmis efni í samræmi við orðaforða og málfræði áfangans
Nemandi skal geta hagnýtt þá almennu þekkingu og leikni sem hann hefur aflað sér til að:
greina upplýsingar um kunnugleg málefni í mæltu máli
lesa sér til ánægju bókmenntatexta af hæfilegu þyngdarstigi og stuttar tímarits- og blaðagreinar
taka þátt í samræðum og beita viðeigandi mál og samskiptavenjum
miðla efni sem hann hefur kynnt sér og miðla eigin þekkingu, skoðunum, tilfinningum, vonum og væntingum; útskýra og rökstyðja ákvarðanir og fyrirætlanir
skrifa um atburði, ímyndaða og raunverulega; skrifa samantekt um kvikmynd eða skáldverk
Námsmatið endurspeglar þjálfun færniþátta í kennslu. Framfarir nemenda eru stöðugt metnar og tekið er tillit til allra færniþáttanna fjögurra: lesturs, hlustunar, tals og ritunar. Mat felst í verkefnum, munnlegum og skriflegum prófum.