Haldið er áfram að æfa tal, hlustun, ritun og lestur.
Áhersla er lögð á að nemendur geti skilið talað mál og svarað sjálfir einföldum spurningum.
Nemendur læra óformlegt talmál sem er notað meðal vina og innan fjölskyldu.
Nemendur halda áfram að nota Hiragana og Katakana, en áhersla er lögð á að læra meira Kanji.
10 feiningar í japönsku á 1. þrepi.
Nemandi skal hafa öðlast þekkingu og skilning á:
orðaforða og málfræði sem tengist markmiðum áfangans
japönsku letri, Hiragana, Katakana og meira Kanji
Nemandi skal hafa öðlast leikni í að:
skilja talað mál um kunnugleg efni, um daglegt líf og liðna atburði
tjá skoðanir sínar og tilfinningar og segja frá sér í nútíð og þátíð á óformlegu máli, bæði munnlega og skriflega
skrifa stutta texta á japönsku (Hiragana, Katakana og einfalt Kanji)
Nemandi skal geta hagnýtt þá almennu þekkingu og leikni sem hann hefur aflað sér til að:
takast á við margvíslegar aðstæður í almennum samskiptum á japönsku
eiga einföld samskipti á Hiragana, Katakana og einföldu Kanji
lesa og skilja einfalda texta sér til gamans
tjá skoðanir og segja frá ýmsum atburðum bæði munnlega og skriflega