Áhersla er lögð á að auka enn frekar við orðaforða nemenda. Lesnir eru lengri textar og nemendur eru þjálfaðir í að skrifa stutta texta og hlusta á samtöl og leikþætti.
Nemendur eru þjálfaðir í að tjá sig munnlega.
Ýtt er undir sjálfstæð vinnubrögð í tungumálanáminu.
10 feiningar í þýsku á 1. þrepi.
Nemandi skal hafa öðlast þekkingu og skilning á:
almennum orðaforða í samræmi við hæfni- og leikniviðmið áfangans
mikilvægi framburðar tungumálsins
grundvallarreglum þýska málkerfisins
menningu þýskumælandi landa
Nemandi skal hafa öðlast leikni í að:
skrifa sjálfstætt samfellda texta um ýmis kunnugleg efni
skilja talað mál um kunnuglegt efni
beita helstu reglum um málnotkun í tali og ritun
fylgja söguþræði í einföldum eða einfölduðum bókmenntatexta
Nemandi skal geta hagnýtt þá almennu þekkingu og leikni sem hann hefur aflað sér til að:
taka þátt í einföldum samræðum á tungumálinu og segja skoðun sína
afla sér upplýsinga í textum um almenn efni upp á eigin spýtur
skrifa um hugðarefni sín og áhugamál, ýmis málefni og atburði í þátíð og nútíð
lesa og skilja megin inntak einfaldra texta af ýmsum toga
takast á við flestar algengar aðstæður í almennum samskiptum
Námsmat endurspeglar þjálfun færniþátta í kennslu. Framfarir nemenda eru stöðugt metnar og tekið er tillit til allra færniþáttanna fjögurra (lestur, hlustun, tal og ritun). Mat felst í prófum og verkefnum, munnlegum og skriflegum.