Lýsing: Lögð er áhersla á að nemendur læri undirstöðuatriði tungumálsins.
Þeir lesa stutta, einfalda texta og setja sjálfir saman stutta texta í tengingu við viðfangsefni áfangans.
Nemendur tjá sig munnlega með orðaforða sem þeir öðlast í áfanganum og einnig hlusta þeir á þýskt efni og vinna með það.
Nemandi skal hafa öðlast þekkingu og skilning á:
nægum orðaforða til að kynna sig, heilsa og kveðja og lýsa nánasta umhverfi sínu
helstu reglum um framburð tungumálsins
grunnatriðum málfræði og málnotkunar
þýska tungumálasvæðinu
Nemandi skal hafa öðlast leikni í að:
lesa og skilja einfalda texta
taka þátt í einföldum samræðum, um afmarkað efni og beita viðeigandi málvenjum
beita grunnreglum málfræði/málnotkunar í ritun og tali
skilja einfalt þýskt talað mál, fyrirmæli kennara og einfalt hlustunarefni áfangans
skrifa stutta texta um afmarkað kunnuglegt efni (efni áfangans)
Nemandi skal geta hagnýtt þá almennu þekkingu og leikni sem hann hefur aflað sér til að:
eiga einföld samskipti á tungumálinu, bæði munnleg og skrifleg
lesa mjög einfalda texta sér til gagns og gamans
beita viðeigandi mál- og samskiptavenjum tungumálsins
Námsmat endurspeglar þjálfun færniþátta í kennslu. Framfarir nemenda eru stöðugt metnar og tekið er tillit til allra færniþáttanna fjögurra (lestur, hlustun, tal og ritun). Mat felst í prófum og verkefnum, munnlegum og skriflegum.