Fjallað er um helstu undirstöður félagsfræðinnar, félagsfræðilegt sjónarhorn, frumkvöðla greinarinnar og helstu kenningar. Nemendur læra að beita kenningum til að skilja samskipti manna og fá þjálfun í að beita félagsfræðilegu innsæi. Fjallað er um rannsóknaraðferðir félagsfræðinnar og rannsóknarferli félagsvísinda. Bornar eru saman eigindlegar og megindlegar rannsóknir. Nemendur skoða tiltekin viðfangsefni félagsfræðinnar í ljósi ríkjandi kenninga innan hennar.
5 feiningar í félagsvísindum/félagsfræði.
Nemandi skal hafa öðlast þekkingu og skilning á:
helstu viðfangsefnum, kenningum og rannsóknaraðferðum félagsfræðinnar
Nemandi skal hafa öðlast leikni í að:
beita mismunandi kenningum til að skoða samfélagsleg viðfangsefni
taka þátt í samfélagslegri umræðu
Nemandi skal geta hagnýtt þá almennu þekkingu og leikni sem hann hefur aflað sér til að:
skoða tengsl samfélags og einstaklinga á gagnrýninn hátt
meta ólíkar kenningar félagsfræðinnar sem verkfæri til að skoða tiltekin félagsleg fyrirbæri
meta hvaða rannsóknaraðferðir henti til að skýra mismunandi þætti samfélaga
taka gagnrýna afstöðu til samfélagslegrar umræðu
Þátttaka í áfanganum, próf, munnleg og skrifleg verkefnaskil, einstaklings- og hópverkefni.