Áhersla er lögð á virka þátttöku nemenda sem meðal annars felst í því að stofna, reka og loka fyrirtæki sem byggir á eigin nýsköpunarhugmynd/viðskiptahugmynd. Farið er í grunnatriði sem hafa verður í huga þegar viðskiptahugmynd er komið á framfæri. Lögð er áhersla á hópavinnu og að viðskiptahugmynd hópsins sé raunhæf. Nemendur koma sér saman um eina hugmynd (vöru eða þjónustu) og þurfa að fjármagna hana, framleiða, markaðssetja og selja. Áhersla er lögð á samvinnu atvinnulífs og skóla.
NÝSK2HH05 og/eða 10 feiningar í viðskiptagreinum á 1. og 2. þrepi
Nemandi skal hafa öðlast þekkingu og skilning á:
ferli frá hugmynd til markaðssetningar
ferli við að stofna og reka lítið fyrirtæki
mikilvægi góðrar stjórnunar og markmiðasetningu
mikilvægi góðrar viðskiptaáætlunar
fjármögnun fyrirtækja
Nemandi skal hafa öðlast leikni í að:
setja sér raunhæf markmið
gera viðskiptaáætlun
vinna sjálfstætt
Nemandi skal geta hagnýtt þá almennu þekkingu og leikni sem hann hefur aflað sér til að:
geta skilgreint þörf og unnið að lausn frá hugmynd til afurðar
koma auga á tækifæri til nýsköpunar
þróa nýsköpunarhugmynd í samvinnu við aðra
Fjölbreytt námsmat með áherslu á símat, tíða endurgjöf og leiðsögn. Nemendur skila skýrslu eða viðskiptaáætlun.