Farið er yfir grunnhugtök og meginviðfangsefni markaðsfræðinnar. Áhersla er lögð á að auka skilning nemenda á gildi markaðsstarfs fyrir neytendur, fyrirtæki og samfélagið í heild. Leitast er við að nemendur tileinki sér markaðslega hugsun. Fjallað er um söluráðana og samval þeirra við markaðssetningu. Kynnt eru fyrir nemendum helstu atriði er varða umhverfi fyrirtækja, markaðshlutun, markaðsrannsóknir, markaðsáætlanir og vinnubrögð við markaðssetningu.
Nemandi skal hafa öðlast þekkingu og skilning á:
söluráðunum fjórum
markaðshlutun
markaðsáætlunum
helstu hugtökum og hugmyndum varðandi vöruþróun
helstu þáttum í umhverfi fyrirtækja
Nemandi skal hafa öðlast leikni í að:
velja saman söluráða
greina umhverfi og markaðshluta
gera litla markaðsathugun og greina niðurstöður
Nemandi skal geta hagnýtt þá almennu þekkingu og leikni sem hann hefur aflað sér til að:
þróa og markaðssetja vöru og/eða þjónustu
Símat. Nemendur vinna raunhæf verkefni þar sem helstu hugtök og aðferðir eru notaðar.