Fjallað er um fjármál einstaklinga og helstu hugtök á sviði fjármála. Áhersla er lögð á þjálfun í hagnýtum útreikningum. Fjallað er um markað fyrir helstu tegundir verðbréfa og meginatriði er varða mat á fjárfestingavalkostum.
STÆR2HS05 eða sambærilegur áfangi
Nemandi skal hafa öðlast þekkingu og skilning á:
helstu vaxtahugtökum
gagnsemi fjárhagsáætlana fyrir einstaklinga og fyrirtæki
mismunandi sparnaðarleiðum einstaklinga, helstu skuldabréfum, hlutabréfum og lánavalkostum
þeirri ábyrgð sem fylgir því að taka lán
vísitölum og verðbólgu
mismunandi fjárfestingavalkostum
Nemandi skal hafa öðlast leikni í að:
gera einfalda fjárhagsáætlun
reikna út vexti, núvirði og framtíðarvirði, nafnávöxtun, raunávöxtun, gengi, afföll og yfirverð á einföldustu gerð skuldabréfa
reikna út hagkvæmustu fjárfestingavalkosti með hjálp núvirðisreikninga ásamt útreikningum á innri vöxtum greiðsluraðar
Nemandi skal geta hagnýtt þá almennu þekkingu og leikni sem hann hefur aflað sér til að:
leggja mat á hagkvæmni fjárfestingavalkosta
Símat. Nemendur vinna raunhæf verkefni þar sem helstu hugtök og aðferðir eru notaðar.