bókmenntir, orðaforði, stig b2 í evrópska tungumálarammanum
Samþykkt af skóla
2
5
Byggt er á hæfni nemenda sem hafa lokið fimm feiningum á öðru þrepi. Stefnt er að aukinni færni nemandans í hlustun, tali, lestri og ritun. Í fyrrgreindum þáttum er áhersla lögð á sérhæfðari orðaforða t.d. í textum tengdum tækni og vísindum.
5 feiningar á 2. þrepi (B2)
Nemandi skal hafa öðlast þekkingu og skilning á:
ólíkum viðhorfum og gildum og hvernig þau móta menninguna þar sem tungumálið er notað og geti tengt þau við eigið samfélag og menningu
orðasamböndum og þverfaglegum orðaforða
helstu hefðum um uppsetningu og skipulag ritaðs máls s.s. greinamerkjasetningu.
Nemandi skal hafa öðlast leikni í að:
lesa og sýna skilning á fjölbreyttum texta um sérhæft efni
skrifa margskonar texta og nota orðasambönd í viðeigandi samhengi
tjá sig skýrt og hnökralaust um málefni sem hann hefur kynnt sér
Nemandi skal geta hagnýtt þá almennu þekkingu og leikni sem hann hefur aflað sér til að:
taka þátt í málefnalegum umræðum, færa rök fyrir máli sínu og svara mótbárum og gagnrökum á viðeigandi hátt
skilja almennar samræður, hvort sem hann þekkir umræðuefnið eða ekki
skrifa greinargóðan texta með tilvísunum í traustar heimildir