Í áfanganum kynnast nemendur höfuðþáttum í norrænni goðafræði, læra að þekkja helstu goð og hlutverk þeirra og kynnast sígildum goðsögnum í norrænni goðafræði. Nemendur fræðast um uppruna íslensku og skyldleika mála, læra um helstu breytingar íslensks máls frá öndverðu til okkar daga og kynnast íslenskri málstefnu. Ennfremur læra nemendur undirstöðuatriði setningafræði, kynnast Íslendingaþáttum og smásögum og lesa skáldsögu.
5 feiningar á 1.þrepi.
Nemandi skal hafa öðlast þekkingu og skilning á:
helstu goðum og atburðum í norrænni goðafræði
helstu breytingum á íslenskri tungu sem koma fram í íslenskri málsögu
mikilvægustu atriðum í íslenskri málstefnu
helstu hugtökum setningafræðinnar
Nemandi skal hafa öðlast leikni í að:
nota helstu bókmenntahugtök í umfjöllun um bókmenntir
leita sér upplýsinga um íslenskt mál og málstefnu
nota helstu málfræðihugtök í greiningu á texta
greina setningar í setningahluta og setningaliði
lesa og greina styttri texta
Nemandi skal geta hagnýtt þá almennu þekkingu og leikni sem hann hefur aflað sér til að:
tjá sig um málfræðilegar breytingar á íslenskri tungu frá öndverðu til okkar daga
skrifa bókmenntaritgerð og fylgja kröfum um uppsetningu texta
greina stutta bókmenntatexta og nota til þess bókmenntahugtök
Skriflegt lokapróf, hlutapróf, verkefni og fyrirlestrar.