Áfanginn miðar að því að auka skilning nemandans á starfsemi þjóðarbúsins og hreyfiöflum efnahagsþróunar, ásamt því að fjalla um alþjóðlega samvinnu í efnahagsmálum. Fjallað er um markmið hagstjórnunar og helstu hagstjórnartæki. Alþjóðlegar stofnanir og samtök á efnahagssviði eru kynnt, einkum í ljósi áhrifa þeirra á íslenskt efnahagslíf.
5 feiningar í þjóðhagfræði á 2. þrepi
Nemandi skal hafa öðlast þekkingu og skilning á:
hringrás efnahagslífsins og samhengi hagstærða
ólíkum viðhorfum til efnahagsstefnunnar
mikilvægi alþjóðlegra stofnana og samtaka á íslenskt efnahagslíf
Nemandi skal hafa öðlast leikni í að:
beita upplýsingatækni við lausn verkefna
útskýra algengustu hugtök sem unnið er með í áfanganum
Nemandi skal geta hagnýtt þá almennu þekkingu og leikni sem hann hefur aflað sér til að:
taka þátt í daglegri efnahagsumræðu
tjá sig munnlega og skriflega um hagræn málefni og mótað sjálfstæðar skoðanir
reikna út ýmsar hagstærðir og lesa úr línuritum
Símat. Nemendur vinna verkefni þar sem helstu hugtök og aðferðir eru notaðar.