Farið er yfir framboð, eftirspurn, teygni og nytjar. Teknar eru fyrir helstu skilgreiningar á kostnaði og tekjum fyrirtækja og útreikninga þeim tengdum. Framleiðsluútreikningar eru kynntir ásamt aðferðum við útreikning á hagkvæmustu samsetningu í framleiðslu og eru þá notaðar einfaldar aðferðir við línulega bestun, jafnmagns- og útgjaldalínur. Fjallað er um mismunandi markaðsform og verðmyndum hjá fyrirtækjum eftir því hvaða markaðsform þau falla undir.
5 feiningar í rekstrarhagfræði á 2. þrepi og STÆR2HS05 eða sambærilegur áfangi
Nemandi skal hafa öðlast þekkingu og skilning á:
áhrifum mismunandi breytinga í umhverfi einstaklinga og fyrirtækja á framboðs- og eftirspurnarferla
jaðarnytjum, jaðarframleiðslu, jaðarkostnaði og jaðartekjum
framleiðsluföllum, kostnaðarföllum, jafnmagnslínum og útgjaldalínum
mismunandi markaðsformum
Nemandi skal hafa öðlast leikni í að:
beita upplýsingatækni við úrlausn verkefna
reikna út hagkvæmustu samsetningu framleiðsluþátta
nota línurit og útreikninga við útskýringar á helstu efnisþáttum
reikna hagkvæmasta magn og verð við mismunandi markaðsform
Nemandi skal geta hagnýtt þá almennu þekkingu og leikni sem hann hefur aflað sér til að:
greina stöðu fyrirtækja, afkomu þeirra og hagkvæmasta framleiðslumagn miðað við mismunandi markaðsform
gera rekstraráætlun
bera saman áætlanir og rauntölur og túlka niðurstöður
Símat. Nemendur vinna raunhæf verkefni þar sem helstu hugtök og aðferðir eru notaðar.