Nemendur eiga að hafa vald á bókhaldshringrásinni við upphaf áfangans. Þessi þekking er dýpkuð og tölvutæknin notuð til þess að færa bókhald eftir fylgiskjölum. Áhersla er lögð á að nemendur öðlist skilning á því að hvernig fjárhagsbókhald sækir upplýsingar í birgðabókhald, viðskiptamannabókhald, sölubókhald og launabókhald. Kynntir eru möguleikar á skýrslugerð ásamt túlkun og greiningu upplýsinga.
5 feiningar í bókfærslu á 1. þrepi
Nemandi skal hafa öðlast þekkingu og skilning á:
einfaldri skipulagningu bókhaldslykla
merkingu, röðun og varðveislu fylgiskjala
tengslum fjárhagsbókhalds við önnur kerfi svo sem birgðabókhald, viðskiptamannabókhald, sölubókhald og launabókhald
Nemandi skal hafa öðlast leikni í að:
búa til nýja bókhaldslykla
skrá, bóka og bakfæra fylgiskjöl í mismunandi kerfum
stofna vörunúmer, birgja og viðskiptamenn
útbúa launaseðla og skilaskýrslur, bæði vegna launa og virðisaukaskatts
stemma af bankareikninga og viðskiptamenn
taka skýrslur út úr kerfinu
Nemandi skal geta hagnýtt þá almennu þekkingu og leikni sem hann hefur aflað sér til að:
færa einfalt bókhald í tölvukerfi
aflað sér upplýsinga úr bókhaldskerfinu og vinna með þær
túlka og greina upplýsingar úr kerfinu
Símat. Nemendur vinna raunhæf verkefni þar sem helstu hugtök og aðferðir eru notaðar.