Farið er í talningafræði (umraðanir, samantektir), líkindareikning (mengi, tilraun, líkindi) og tölfræði (tvíkostadreifing, normadreifing, fylgni, tilgátuprófun). Nemendur nota töflureikni við útreikning og úrvinnslu gagna.
STÆR2HS05 eða sambærilegur grunnáfangi í stærðfræði.
Nemandi skal hafa öðlast þekkingu og skilning á:
• einföldum reiknisaðferðum talningafræðinnar
• hugtökum úr mengjafræði og líkindareikningi
• tvíkostadreifingu og normaldreifingu
• fylgni og tilgátuprófun
Nemandi skal hafa öðlast leikni í að:
• reikna fjölda umraðana og samantekta
• nota mengi og búa til Vennmyndir
• reikna líkindi, einföld og skilyrt
• nota tvíkostadreifingu og normaldreifingu
• reikna fylgni
• nota tilgátuprófun
Nemandi skal geta hagnýtt þá almennu þekkingu og leikni sem hann hefur aflað sér til að:
• lýsa líkindum á myndrænan og auðskiljanlegan hátt
• nýta sér normaldreifingu til að meta gögn og álykta um þau
• túlka niðurstöður útreikninga
• setja fram tilgátu og álykta um áreiðanleika hennar
Áfanginn er símatsáfangi. Matið er byggt á tímadæmum, heimadæmum og skyndiprófum auk þess sem þátttaka í kennslustundum telur til einkunnar.