Eftir að nemandi hefur lært nokkur grunnform í nuddi hefst markviss verkþjálfun, þar sem nemandi tekur á móti almennum nuddþegum á nuddstofu skólans undir handleiðslu kennara. Hann tekur heilsufarsskýrslu af nuddþegum sem koma í nudd og fær væga þóknun fyrir nuddið. Stefnt er að því að hver nemandi fái ólíka skjólstæðinga til meðferðar. Einnig er unnið með nuddmeðferðir á öðrum deildum, t.d. sérdeild án greiðslu.
KLNU3KN07
Nemandi skal hafa öðlast þekkingu og skilning á:
gildi heilsufarsskýrslna
þeim takmörkunum sem líkamleg fötlun setur skjólstæðingum
samskiptum í heilsunuddi
samspili væntinga nuddþega og ásetnings meðferðar nuddara
Nemandi skal hafa öðlast leikni í að:
meðhöndla ólíka einstaklinga á faglegan hátt
meðhöndla hreyfihamlaða einstaklinga
taka heilsufarsskýrslu af nuddþegum
eiga samskipti við skjólstæðinga á faglegan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
tileinka sér viðmót sem hæfir starfi heilsunuddara og skapa aðlaðandi starfsumhverfi
setja sér raunhæf markmið við meðferð skjólstæðinga
þróa fagvitund og öðlast reynslu sem heilsunuddari
þróa áfram þær grunnaðferðir sem hann hefur kynnst og flétta þeim saman til meðferðar
Útfylltar heilsufarsskýrslur, verklag og spurningar í ferilbók