Í þessum áfanga er gerð grein fyrir grunninntaki lífeðlisfræði og fjallað almennt um líkamsstarfsemi lífvera en með megináherslu á lífeðlisfræði mannslíkamans. Skoðuð er innri starfsemi frumna og hlutverk frumulíffæra skilgreind. Fjallað er um boðflutning, um bæði hormónakerfið og taugakerfið. Einnig er fjallað um blóðrás og önnur flutningskerfi, varnarkerfi, úrgangslosunarkerfi, næringarnám og meltingu. Farið er í stoðkerfi og hreyfingu, skynjun, æxlun og fósturþroskun.
NÁTT1GR05 eða sambærilegur áfangi
Nemandi skal hafa öðlast þekkingu og skilning á:
frumulífeðlisfræði
eðli hormóna og starfsemi innkirtlakerfis
eðli taugaboða og starfsemi taugakerfis
hjarta- og æðakerfi og mismunandi hlutverkum blóðs
varnarkerfum mannslíkamans
öndunarkerfi og stjórnun þess
uppbyggingu og virkni meltingarkerfis
stoðkerfum og eðli hreyfingar
mismunandi skynfærum
æxlunarkerfi og fósturþroska
Nemandi skal hafa öðlast leikni í að:
lesa lífeðlisfræðilegar upplýsingar úr máli og myndum
skoða vefi og líffæri
lesa í samspil mismunandi líffærakerfa við stjórn líkamsstarfseminnar
meta áhrif lífshátta á heilbrigða þroskun og starfsemi líkamans
afla sér áreiðanlegra heimilda frá ýmsum mismunandi miðlum
Nemandi skal geta hagnýtt þá almennu þekkingu og leikni sem hann hefur aflað sér til að:
auka skilning á lífeðlisfræðilegum viðfangsefnum
leggja gróft mat á lífeðlisfræðilegar upplýsingar á gagnrýninn hátt
tengja undirstöðuþekkingu í lífeðlisfræði við daglegt líf og sjá notagildi hennar
taka ábyrgð á eigin lífi m.t.t. lífeðlisfræðilegra þátta
afla sér frekari þekkingar á sviði lífeðlisfræðinnar
Námsmat er útfært í kennsluáætlun í samræmi við skólanámskrá.