Fjallað er um hvernig líðan og hegðun tengist hugsunum. Í því sambandi er fjallað um hvernig hafa má áhrif á hugsanir sínar og þá um leið líðan sína, með því að endurmeta hugsunarstíl sinn. Nemendum eru kenndar leiðir til að hlúa að líkamanum og minnka líkur á ofstreitu og kvíða. Auk þess er nemendum kenndar uppbyggilegar samskiptaaðferðir og leiðir til að byggja upp sjálfstraust og þá einkum í tengslum við samskipti
Engar
Nemandi skal hafa öðlast þekkingu og skilning á:
• hvernig hugsanir hafa áhrif á líðan og hegðun og hvernig hugræn atferlismeðferð virkar í því sambandi
• hugtökunum hugsanaskekkju, frestunaráráttu og seiglu
• streituviðbragðinu og helstu orsökum ofstreitu í nútímasamfélagi
• aðferðum sem draga úr eða koma í veg fyrir ofstreitu t.d. núvitundaræfingum, sálfræðilegum aðferðum og heilbrigðum lífsstíl
• samskiptaaðferðum sem bæta samskipti og auka sjálfstraust
Nemandi skal hafa öðlast leikni í að:
• meta eigið streituástand og sjálfstraust
• finna út hvort hann þarf að breyta einhverju í sínum lífsstíl til að líða betur
• endurmeta hugsanir sem hafa neikvæð áhrif á tilfinningar og hegðun
• iðka hugrækt eins og slökun og núvitund
• meta hvaða samskiptaleiðir henta í mismunandi aðstæðum
Nemandi skal geta hagnýtt þá almennu þekkingu og leikni sem hann hefur aflað sér til að:
• takast á við streitu og neikvæðar tilfinningar sem geta komið í upp í daglegu lífi
• leiðbeina öðrum varðandi leiðir til að draga úr ofstreitu, kvíða og öðrum tengdum vandamálum
• vera í jákvæðum samskiptum, bæði í einkalífi og starfi
Skrifleg próf, verkefnamappa, sjálfspróf og mæting