Í áfanganum kynnast nemendur ýmsum lengri og styttri bókmenntatextum og þjálfast í ritun og verkefnavinnu þeim tengdum. Nemendur þjálfast í lestri fjölbreyttra bókmennta og að skrifa um þær, að setja upp texta í ritvinnsluforriti og ganga frá honum á skipulegan hátt. Í áfanganum eru rifjuð upp ýmis bókmenntahugtök í tengslum við textagreiningu og textasmíði.
5 f-einingar á 1. þrepi
Nemandi skal hafa öðlast þekkingu og skilning á:
• fjölbreyttum íslenskum bókmenntatextum
• helstu bókmenntahugtökum
• uppsetningu og frágangi texta í ritvinnsluforriti
Nemandi skal hafa öðlast leikni í að:
• lesa ýmsa bókmenntatexta sér til skilnings
• skrifa af þekkingu um lesna bókmenntatexta
• setja upp ritgerðir og verkefni
• vinna með heimilda
• greina texta og nota til þess helstu bókmenntahugtök
Nemandi skal geta hagnýtt þá almennu þekkingu og leikni sem hann hefur aflað sér til að:
• skrifa texta á íslensku án algengra málvillna
• leita heimilda eftir því sem við á og nýta sér þær í verkefnavinnu
• lesa skáldverk, fjalla um það og rökstyðja eigin skoðanir á verkinu