Í áfanganum er farið í grundvallaratriði efna - og eðlisfræði með það að markmiði að nemendur þekki helstu grunnhugtök og nái að tengja þau við fyrri þekkingu og daglegt líf. Einnig að þeir þjálfist í grundvallarvinnubrögðum við tilraunir í efna- og eðlisfræði, kynnist söfnun gagna, túlkun og framsetningu niðurstaðna.
Engar
Nemandi skal hafa öðlast þekkingu og skilning á:
• atóminu, lotukerfinu, frumefnum, efnasamböndum og efnablöndum
• efnatengjum og nöfnum efnasambanda
• efnahvörfum og stillingum efnajafna
• mælieiningum og eðlismassa
• hraða og hröðun
• krafti, afli, vinnu og stöðuorku
Nemandi skal hafa öðlast leikni í að:
• vinna með lotukerfið við lausnir verkefna
• gefa efnasamböndum efnaheiti, setja saman efnaformúlur og stilla efnajöfnur
• breyta á milli mælieininga
• reikna dæmi tengd hraða/hröðun, krafti, afli, vinnu og stöðuorku
• nota tæki og tól á rannsóknarstofu við einfaldar tilraunir
Nemandi skal geta hagnýtt þá almennu þekkingu og leikni sem hann hefur aflað sér til að:
• tengja efna- og eðlisfræði við umhverfi sitt og við daglegt líf
• nota undirstöðuatriði efna- og eðlisfræði við frekara nám
Til námsmats gilda hlutapróf, mæting, virkni og skýrslur úr verklegum æfingum ásamt gagnvirkum verkefnum.