Byggt er á grunnskólahæfni nemenda. Stefnt er að aukinni færni nemandans í hlustun, tali, lestri og ritun. Áhersla er lögð á aukinn orðaforða, málfræði og skilning.
Enska B1 (Grunnskólapróf)
Nemandi skal hafa öðlast þekkingu og skilning á:
• mannlífi, menningu og siðum í löndum þar sem enska er töluð sem móðurmál
• þverfaglegum orðaforða (t.d. orðaforða notuðum í öðrum námsgreinum)
Nemandi skal hafa öðlast leikni í að:
• taka virkan þátt í samskiptum á viðeigandi hátt og beita málfari við hæfi
• lesa fjölbreyttan texta
• skilja mál sem talað er með mismunandi hreim og við mismunandi aðstæður
• skrifa margskonar texta, formlegan og óformlegan
• tjá sig skýrt og hnökralaust um málefni sem hann hefur kynnt sér og undirbúið
Nemandi skal geta hagnýtt þá almennu þekkingu og leikni sem hann hefur aflað sér til að:
• fylgjast með almennum samræðum, t.d. fjölmiðlaefni, hvort sem hann þekkir umræðuefnið eða ekki
• tjá sig á skýran og áheyrilegan hátt og beita tungumálinu af tiltölulega mikilli nákvæmni við margskonar aðstæður
• taka þátt í skoðanaskiptum, færa rök fyrir máli sínu og svara mótbárum og gagnrökum á viðeigandi hátt
• leysa ýmis mál sem upp koma í samskiptum og haga orðum sínum með tilliti til aðstæðna
• skrifa læsilega texta um sérvalið efni þar sem hugmyndaflug getur fengið að njóta sín