Í áfanganum er farið vel í lyfjalög og reglugerðir um gerð lyfseðla, ávísun lyfja, afgreiðslu lyfseðla og afhendingu lyfja. Fjallað er um verðlagningu lyfja og lyfjaverðskrá og hámark sem ávísa má á ýmsum lyfjum. Farið er í greiðsluþátttöku sjúkratrygginga í lyfjakostnaði, lyfjaskírteini sjúklinga og undanþágulyf. Farið er í þá gagnagrunna sem embætti landlæknis starfrækir, í þeim tilgangi að hafa eftirlit með ávísunum lækna á lyf. Að lokum er farið í lyfjagát (pharmacovigilance).
LYFR2SF04
Nemandi skal hafa öðlast þekkingu og skilning á:
reglugerð um lyfjalög nr. 93/94
reglugerð um gerð lyfseðla og ávísun lyfja
reglugerð um afgreiðslu lyfseðla og afhendingu lyfja
mismunandi tegundum lyfseðla og reglum sem gilda um afgreiðslu þeirra
ástæðu fyrir lyfseðilsskyldu og eftirritunarskyldu lyfja
uppbyggingu lyfjaverðskrár og verðlagningu lyfja
hámarksmagni sem ávísa má af ýmsum lyfjum
reglugerð um greiðsluþátttöku sjúkratrygginga í lyfjakostnaði
gagnagrunnum í tengslum við eftirlit á ávísun lyfja
lyfjagát
Nemandi skal hafa öðlast leikni í að:
leita eftir upplýsingum um lyf í sérlyfjaskrá og lyfjaverðskrá á netinu
leita að upplýsingum um lyfjamál í lögum og reglugerðum
veita upplýsingar um efni sem tengjast lyfjalögum og reglugerðum
leiðbeina sjúklingum hvert leita eigi aðstoðar varðandi lyf
veita upplýsingar um niðurgreiðslukerfi lyfja
yfirfara lyfseðla og leiðrétta í samráði við lækni/lyfjafræðing
Nemandi skal geta hagnýtt þá almennu þekkingu og leikni sem hann hefur aflað sér til að:
sjá um lyfjaendurnýjun fyrir sjúklinga
starfa á mismunandi vettvangi lyfjamála í anda þeirra laga sem gilda á viðkomandi vinnustað