Í áfanganum eru nemendur látnir vinna með hugtök og þekkingu úr afl-, bylgju- og varmafræði. Samtímis því eru nemendur þjálfaðir í þeim vinnubrögðum sem notuð eru í greininni. Nemendur vinna bæði sjálfstætt og saman í hópum og lögð er áhersla á sjálfstæði og ábyrgð nemandans á eigin námsframvindu.
Efnisatriði sem farið verður í eru meðal annars: Varmajafnvægi, varmaorka, sveifluvídd, regla Huygens og dopplerhrif.
EÐLI2BY05 eða sambærilegur áfangi
Nemandi skal hafa öðlast þekkingu og skilning á:
helstu hugtökum sem notuð eru til að lýsa hringhreyfingu og þyngdarsviði, skriðþunga og vökvum
þyngdarlögmáli Newtons, lögmálum Keplers, lögmálinu um varðveislu skriðþunga, atlagslögmálinu, lögmálum Pascals og Arkimedesar og jöfnu Bernoullis
gasjöfnunni og kjörgasi
sveiflum, bylgjum og hljóði sérstaklega sem og ljósgeislafræði
viðlagningarlögmálinu, endurvarpslögmálinu og lögmáli Snells
Nemandi skal hafa öðlast leikni í að:
vinna með tölur og vigra í eðlisfræði og í vísindalegum vinnubrögðum
beita lögmálum og jöfnum við að leysa verkefni af ýmsu tagi
leiða út með rökrænum hætti jöfnu fyrir sambandi stærða frá gefnum forsendum
vinna með fjölmæla og ýmsa rafhluti við að framkvæma verklegar æfingar og vinna úr mæliniðurstöðum þeirra, m.a. með tölvuforritum
setja fram eðlisfræðilegt umfjöllunarefni á skýran og markvissan hátt í ræðu og riti
Nemandi skal geta hagnýtt þá almennu þekkingu og leikni sem hann hefur aflað sér til að:
sýna sjálfstæði í vinnubrögðum
nota námsefni og gögn á markvissan hátt.
yfirfæra þekkingu úr öðrum greinum til að auðvelda námið
meta hvort niðurstöður útreikninga og mælinga séu raunhæfar
tengja eðlisfræðina við daglegt líf og umhverfi og gera sér grein fyrir notagildi hennar
Námsmat er útfært í kennsluáætlun í samræmi við skólanámskrá.